თქვენ ამონტაჟებთ მზის ელექტრო სადგურს, რომელიც იწყებს ენერგიის გამომუშავებას. ენერგიის გამომუშავების მომენტში (დღის განმავლობაში) თუ თქვენ ელექტრო ენერგიას არ მოიხმართ, თქვენს მიერ გამომუშავებული ელექრო ენერგია ავტომატურად მიდის ქსელში, რასაც მრიცხველი აღრიცხავს. ღამის განმავლობაში, როდესაც თქვენი მზის ელექტრო სადგური გამომუშავებას აჩერებს, ავტომატურად მოიხმართ ქსელის ელექტრო ენერგიას, რასაც ასევე მრიცხველი აღრიცხავს.

ამ შემთხვევაში ქსელს იყენებთ, როგორც ელექტრო ენერგიის დიდ რეზერვუარს. როდესაც გამომუშავება მეტი გაქვთ ვიდრე მოხმარება, აწვდით ქსელს, ხოლო როდესაც ნაკლები, მაშინ ივსებთ ქსელიდან ენერგიას.

თქვენ მიერ გამომუშავებული და მოხმარებული ელექტრო ენერგია აღირიცხება წელიწადში ერთხელ. თუ თქვენი მოხმარება აჭარბებს გამომუშავებას, გადაიხდით იმ ელ-ენერგიის გადასახადს, რა სხვაობაც დაფიქსირდება. ხოლო, თუ თქვენ მიერ გამომუშავებული ელ ენერგია აჭარბებს თქვენ მიერ მოხმარებულს, ელექტრო ენერგიის მომწოდებეული კომპანია თქვენგან შეისყიდის დენს და გიხდით იმ სხვაობას, რამდენით მეტის გამომუშაავებაც დაფიქსირდება

თუ თქვენ ცხოვრობთ ისეთ ადგილას, სადაც ელექტრო ენერგიით მომარაგება გაქვთ, მაგრამ შუქი ხშირად გიქრებათ, ეს სისტემა არის პასუხი თქვენს პრობლემაზე.

ჰიბრიდული სისტემა მზის პანელების მონტაჟთან და ქსელზე მიერთებასთან ერთად, გულისხმობს დამატებით ელექტრო ენერგიის შესანახი ბატარეების მონტაჟს. ამ შემთხვევაში, ღამის განმავლობაში თქვენ ძირითადად გამოიყენებთ ქსელის ელექტრო ენერგიას, ხოლო იმ შემთხვევაში, თუ დენი ჩაქრება, თქვენი ობიექტი ავტომატურად გადაერთვება ბატარეებიდან ენერგიის მიღებაზე და თქვენ უწყევეტად გექნებათ მომარაგება. დენის მოსვლის შემდეგ ბატარეები ავტომატურად გაითიშება და თქვენ გადაერთვებით ქსელის ელეტრო ენერგიის მოხმარებაზე.

კუნძულოვან სისტემას არ სჭირდება ქსელის ელექტრო ენერგია. მონტაჟდება აბოსლუტურად დამოუკიდებლად ნებისმიერ ადგილას, სადაც კი მზის სხივი ხვდება.

მძლავრი ბატარეები დღე-ღამის ნებისმიერ დროს შესაძლებლობას გვაძლევს ელ-ენერგია უწყვეტად მივიღოთ.

აღნიშნული კუნძულოვანი სისტემის მონტაჟს აძვირებს ელ-ენერგიის შემნახველი ბატარეების ფასი. ამიტომ, შესაძლებლობის არსებობის შემთხვევაში კლიენტებს ყოველთვის ვურჩევთ ქსელზე მიერთებული ან ჰიბრიდული სისტემის მონტაჟს.